Օգոստոսի 27-ին լրացավ Ավագիմյան Վաչագանի 48 ամյակը

Նորություններ
Ավագիմյան Վաչագան

Ծնվել է 1969 թ. օգոստոսի 27-ին ԼՂՀ Մարտակերտ քաղաքում£ 1986 թ. ավարտել է Մարտակերտի թիվ 1 միջնակարգ դպրոցը` ոսկե մեդալով: 1987 թ. ընդունվել է Երևանի պետական համալսարանի տնտեսագիտական կիբեռնետիկայի ֆակուլտետի կիբեռնետիկայի բաժինը:
1988-1989 թթ. ծառայել է խորհըրդային բանակում (Բաշկիրիայում):
1990 թ. սկսած` ծառայել է Շուշիի շրջանի պաշտպանական ստորաբաժանումներում, որի կազմում մասնակցել է Մարտակերտի շրջանի ինքնապաշտպանական մարտերին:
1992 թ. նա Բեկոր Աշոտի առաջին վաշտի զինվոր էր:
Վ. Ավագիմյանը զոհվել է 1992 թ. նոյեմբերի 22-ին Բաշ-Գյունեխայայի համար մղված մարտում: Նրա աճյունն ամփոփված է Ստեփանակերտի հուշահամալիրում` 1992 թ. սեպտեմբերի 2-ին Չլդրանի անտառում հերոսաբար զոհված հարազատ եղբոր` Սամվել Ավագիմյանի աճյունի կողքին:
ԼՂՀ Գերագույն խորհրդի 1994 թ. մայիսի 6-ի թիվ 0334-1 որոշմամբ Վ. Ավագիմյանը հետմահու պարգևատրվել է Շուշիի ազատագրման մեդալով, նույն թվականի դեկտեմբերի 30-ին ԼՂՀ Գերագույն խորհրդի նախագահության ՆՀ-4 որոշմամբ` ՙՄարտական խաչ՚ 2-րդ աստիճանի շքանշանով:
2007 թ. նոյեմբերի 16-ին Երևանի պետական համալսարանի տնտեսագիտության ֆակուլտետի լսարաններից մեկը անվանակոչվել է Վ. Ավագիմյանի անվամբ:

Այլ Նորություններ