![](http://vardananq.ysu.am/wp-content/themes/vardananq/images/NAXSH_NORUTYUNNER.png)
Հունվարի 13-ը ԵՊՀ ազատամարտիկ Վարդան Հովհաննիսյանի ծննդյան օրն է
Նորություններ![Վարդան_Հովհաննիսյան](http://vardananq.ysu.am/wp-content/uploads/2019/02/Վարդան_Հովհաննիսյան.jpg)
Ծնվել է 1972թ. հունվարի 13-ին Երևանում: 1988թ ավարտել է Երևանի թիվ 142 միջնակարգ դպրոցը:1988թ. ընդունվել է ԵՊՀ մեխանիկայի ֆակուլտետը: 2-րդ կուրսից տեղափոխվել է տնտեսագիտական կիբեռնետիկայի ֆակուլտետ:
Արցախյան պատերազմի առաջին օրերից Վ.Հովհաննիսյանը փորձել է անդամագրվել երկրապահ ջոկատներին և մեկնել ռազմի դաշտ:
Ջոկատների հրամանատարները մերժել են՝ պատճառաբանելով,որ նա ուսանող է:
1992թ, հունիսին Վ.Հովհաննիսյանը, հանձնելվ կիսամյակի քննությունները,փոխադրվում է 4-րդ կուրս:Սակայն Արցախ գնալու մտադրությունից չի հրաժարվում:Ծնողներից թաքուն անդամագրվում է Վ.Սարգսյանի հավաքագրած մահապարտների ջոկատին:
1992թ. օգոստոսի 30-ին Վ.Հովհաննիսյանը <<Արծիվ>> մահապարտների գումարտակի կազմում մեկնում է Արցախ և սեպտեմբերի 1-11 մասնակցում է ԼՂՀ Մարտակերտի շրջանի Չլդրան,Դրմբոն,Հարությունագոմեր բնակավայրերի ազատագրման մարտերին:
Վ.Հովհաննիսյանը զոհվել է 1992թ սեպտեմբերի 11-ին՝ Վաղուհասի բարձրունքի ազատագրման ժամանակ:Նրա աճյունն ամփոփված է Եռաբլուր հուշահամալիր-պանթեոնում:
1998թ փետրվարին Վ.Հովհաննիսյանը հետմահու պարգևատրվել է ԵՊՀ արծաթե հուշամեդալով:
ՀՀ նախագահի 1999թ սեպտեմբերի 20-ի հրամանագրով Վ.Հովհաննիսյանը պարգևատրվել է <<Արիության>>մեդալով:
2007 սեպտեմբերին ԵՊՀ տնտեսագիտության ֆակուլտետի լսարաններից մեկը անվանակոչվել է Վ.Հովհաննիսյանի անվամբ: